Milan var keyptur frá Chelsea á 20 milljónir evra síðasta sumar og talað er um hann sem bestu kaup félagsins.

Í heildina hefur Pulisic skorað þrettán mörk og átt átta stoðsendingar í 41 leikjum í öllum keppnum.

Pulisic er 25 ára og samningur hans til júní 2027 en Milan hefur ákvæði um að geta framlengt til 2028. Ítalskir fjölmiðlar segja að forráðamenn félagsins séu þegar vissir um að rétt sé að nýta sér það og framlengja dvöl vængmannsins.

Pulisic elskar lífið á Ítalíu og er byrjaður að læra ítölsku. Hann hefur verið notaður í ýmsum stöðum á þessu tímabili; sem hægri vængmaður, vinstri vængmaður og sóknarmiðjumaður.

„Ég vissi hvaða gæðum Pulisic býr yfir og ég skynjaði mjög jákvæða hluti það þegar ég talaði við hann fyrst. Það var ákveðni, forvitni og áhugi á öllu sem ég hafði að segja. Hann talar ekki mikið en hugarfarið sést vel. Hann er sannur fagmaður og leggur mikið á sig til að hjálpa liðinu," segir Stefano Pioli stjóri Milan en liðið hefur unnið fimm leiki í röð í ítölsku A-deildinni.