Víkingur Ólafsvík mætti Keflavík í Akraneshöllinni í eina leik kvöldsins, og fyrsta leik 2. umferðar, í Mjólkurbikar karla og úr varð hörku leikur.

Stefán Jón Friðriksson skoraði eina markið í fyrri hálfleik og tvöfaldaði Valur Þór Hákonarson forystu Keflvíkinga í upphafi síðari hálfleiks, en Ólsarar voru ekki á því að gefast upp gegn andstæðingum sínum úr Lengjudeildinni.

Luis Romero Jorge minnkaði muninn niður í eitt mark en Axel Ingi Jóhannesson tvöfaldaði forystu gestanna á ný, áður en Asmer Begic minnkaði muninn aftur á lokakaflanum.

Ólsarar höfðu því nokkrar mínútur til að gera jöfnunarmark en það tókst ekki og stóðu Keflvíkingar uppi sem sigurvegarar að lokum.