Hinn 25 ára gamli Oliver á ættir að rekja til Spánar og Ástralíu. Hann er kantmaður sem kom fyrst til Íslands árið 2020 og lék þá með Kormáki/Hvöt. Síðan hefur hann leikið með Keflavík, Þrótti Vogum og Njarðvík.

Á síðasta tímabili skoraði hann fimm mörk í fjórtán leikjum með Njarðvík í Lengjudeildinni.

Haukar enduðu í 7. sæti 2. deildar í fyrra. Eftir tímabilið tók Ian Jeffs við af Atla Sveini Þórarinssyni sem þjálfari liðsins og er stefnan sett á betri árangur á komandi tímabili.