„Þetta er góð tilfinning," sagði Heimir Guðjónsson þjálfari FH eftir sigur liðsins gegn KA á Akureyri í dag.
„Þetta er erfiður útivöllur, við vorum að spila á móti mjög góðu KA liði og við erum hæstánægðir að fara héðan með þrjú stig. Mér fannst þau verðskulduð."
Lestu um leikinn: KA 2 - 3 FH
„Við byrjuðum leikinn á að pressa þá. Auðvitað máttum við vera aggressívari, það var smá samdáði í því sem við vorum að gera. Þegar leið á leikinn náðum við að nýta svæðið á milli varnar og miðju og virkja vængspilið, skorum góð mörk og áttum möguleika á að bæta við fleirum í lokin," sagði Heimir.
Kjartan Kári, eða Kári eins og undirritaður vildi kalla hann og Vuk Oskar voru gríðarlega hættulegir á sitthvorum kantinum.
„Við vitum það að Kjartan Kári og Vuk eru öflugir leikmenn. Þeir stigu upp í dag, við höfum verið að hvetja þá þegar þeir fá þessa stöðu einn á móti einum að fara á menn og búa til eitthvað og mér fannst þeir gera það vel," sagði Heimir.
„Svo má ekki gleyma því að þeir spiluðu ágætis varnarleik sem þeir eru kannski ekki þekktir fyrir."