Framtíð Erik ten Hag, stjóra Manchester United, er áfram í mikilli óvissu en liðið er án sigurs í síðustu fjórum deildarleikjum í röð.
United spilaði illa gegn Bournemouth í gær og var liðið heppið að ná í eitt stig. Þar á undan gerði liðið jafntefli gegn Liverpool, tapaði gegn Chelsea og gerði jafntefli gegn Brentford.
Félagið þarf kraftaverk til þess að ná sæti í Meistaradeild Evrópu á næstu leiktíð en United er nú í sjöunda sæti deildarinnar. Ef liðið endar neðar en það þá mun það vera versti árangur í sögu liðsins í ensku úrvalsdeildinni.
Myndband fór af stað í gær þar sem Ten Hag er spurður út í þetta á blaðamannafundi en Hollendingurinn ákvað að svara ekki spurningunni og sást hann ganga út.
Þá fóru miðlarnir á fullt að skrifa að hann hafi gengið út af fundinum en það ku ekki vera rétt. Ef horft er á allan fundinn má sjá að fréttafulltrúinn var búinn að slaufa fundinum og Ten Hag var staðinn upp áður en einn fréttamannanna ákvað að koma með þessa staðreynd.
Úrslitin á næstunni og til loka tímabils munu skera úr um hvort Hollendingurinn verði látinn fara eða ekki.
Seeing lots of 'Ten Hag stormed out of press conference' headlines. I was there and it's not true: he was leaving anyway, question landed after the press officer had said it was over. Like saying someone stormed out of a party after already saying goodbye and opening the door
— Richard Martin (@RichMartinMcr) April 13, 2024