Arda Guler gekk í raðir Real Madrid frá Fenerbahce síðasta sumar en þessi nítján ára gamli leikmaður hefur ekki verið áberandi á þessari leiktíð.
Carlo Ancelotti hefur ekki gefið ungstirninu mikinn spiltíma en ætlað er að koma honum í liðið hægt og rólega. Hvorki Guler né umboðsmenn hans hafa beðið Real Madrid um að lána hann burt.
Guler er einungis að einbeita sér að síðustu leikjunum á þessari leiktíð og svo í kjölfarið mun hann fara með tyrkneska landsliðinu til Þýskalands og taka þátt á Evrópumótinu.
Ekki er útilokað að leikmaðurinn verði lánaður á næstu leiktíð en Real Madrid mun ræða við leikmanninn og hans teymi eftir Evrópumótið næsta sumar.
Athugasemdir