Bayern München og Real Madrid voru síðustu liðin til að komast inn í undanúrslit Meistaradeildar Evrópu í kvöld.
Joshua Kimmich skoraði eina markið í 1-0 sigri Bayern á Arsenal á Allianz-Arena á meðan Real Madrid vann Manchester City eftir vítakeppni.
Það er ljóst að Bayern og Real Madrid eigast við í undanúrslitum keppninnar á meðan Borussia Dortmund spilar við Paris Saint-Germain.
Fyrri leikirnir eru spilaðir 30. apríl og 1. maí en síðari leikirnir 7. og 8. maí.
Það vekur auðvitað sérstaka athygli að Real Madrid og Paris Saint-Germain gætu mæst í úrslitum. Franskir og spænskir fjölmiðlar fullyrða að Kylian Mbappe, leikmaður PSG, sé búinn að semja um að ganga í raðir Real Madrid í sumar.
????? The road to London is taking shape...#UCL || #UCLbracket
— UEFA Champions League (@ChampionsLeague) April 17, 2024
Athugasemdir