„Fyrri leikur fín frammistaða, gerðum það sem við lögðum upp með vel og frábært mark hjá Alberti," sagði niðurlútur Guðmundur Þórarinsson eftir leikinn gegn Úkraínu í kvöld.
;,Við leyfum þeim svo kannski að teyma okkur aðeins of neðarlega á völlinn. Þá verður erfitt að komast nálægt þeim, þannig sé ég þetta núna."
;,Við leyfum þeim svo kannski að teyma okkur aðeins of neðarlega á völlinn. Þá verður erfitt að komast nálægt þeim, þannig sé ég þetta núna."
Lestu um leikinn: Úkraína 2 - 1 Ísland
Gummi var spurður hvort það hefði verið komin þreyta í menn í seinni hálfleik. „Þreyta og ekki þreyta, auðvitað er erfitt að ná ekki að halda betur í boltann en við gerðum, þeir eru að sjálfsögðu með mjög gott lið."
„Við gerðum allt rétt í fyrri hálfleik, svo kemur þetta fyrsta mark og þá fá þeir meðbyr með sér og stjórna leiknum og skora aftur."
Bakvörðurinn var spurður út í jöfnunarmarkið þar sem maður komst nokkuð auðveldlega framhjá honum.
„Við komumst upp í góða stöðu og erum mjög opnir þegar þeir svo fá skyndisóknina til baka. Það er spilað á hægri kantmanninn þeirra. ég ætla einhvern veginn að reyna að hægja á honum vonast til að fá hjálparvörnina með mér, það var erfitt að stoppa það. Ég vonast auðvitað til að hjálparvörnin sé þarna, ég þarf að horfa á þetta aftur. Svona man ég þetta í augnablikinu. Ef maður fær svona góðan kantara á sig einn á einn þá er það mjög erfitt, en það hlýtur að vera að ég geti gert það betur. Ég vonaðist til að hjálparvörnin kæmi og hann færi inn á völlinn, bara grátlegt," sagði Gummi.
Athugasemdir
