Heimild: Sunnlenska.is
Söngvarinn vinsæli Ingólfur Þórarinsson hefur ákveðið að ganga til liðs við uppeldisfélag sitt, Selfoss, að nýju og klára tímabilð með þeim í 1. deildinni. Frá þessu er greint á vefnum Sunnlenska.is í dag.
Ingólfur sem er 25 ára gamall hafði yfirgefið Selfoss í vetur og fór þá til Pepsi-deildarliðs Víkings. Þar spilaði hann aðeins einn leik í deild og einn leik í bikar í sumar.
Ingólfur sem er miðjumaður hefur leikið 107 leiki í deild og bikar fyrir Selfoss og skorað í þeim tíu mörk.
Hann hefur getið sér gott orð sem tónlistarmaður og er vinsæll með hljómsveit sinni, Veðurguðunum. Þrátt fyrir annir þar hefur hann alltaf tekið tíma frá fyrir fótboltann og sinnt honum með.
Þannig lék hann 13 leiki með liði Selfoss í Pepsi-deildinni á síðustu leiktíð og skoraði þar mark fyrir liðið á KR-velli.
Ingólfur á að baki 9 leiki fyrir U17 og U19 ára landslið Íslands.
