Að þessu sinni er það Sigurvin Ólafsson 28 ára miðjumaður úr KR sem sýnir á sér hina hliðina hér á Fótbolti.net. Sigurvin fór ungur til Þýskalands og var í herbúðum Stuttgart þangað til hann fór aftur árið 1997 til uppeldisfélagsins ÍBV.
Árið 1999 fór Sigurvin í Fram og um haustið 2000 fór hann í KR. Sigurvin hefur leikið fyrir öll yngri landslið Íslands og alls sex A-landsleiki. Hann skoraði tvö mörk í tíu leikjum með KR í efstu deild síðastliðið sumar en hann hefur skorað alls 25 mörk í 93 leikjum í efstu deild.
Fullt nafn: Sigurvin Ólafsson
Gælunafn: Venni
Aldur: 28
Giftur / sambúð? Lofaður
Börn: Ekki enn
Hvað eldaðir þú síðast? Mat fyrir sjálfstæða Íslendinga
Hvað vilt þú fá á pizzuna þína? Pepperoni og piparost
Hvernig gemsa áttu? Nokia
Uppáhaldssjónvarpsefni? Simpsons, Office, og annað gott grín.
Besta bíómyndin? Ótal margar, t.d. Godfather serían, Raging Bull, Shawshank, Gaukshreiðrið, Clockwork Orange ofl,ofl.
Hvaða tónlist hlustar þú á? Melódískt rokk og klassík.
Uppáhaldsútvarpsstöð: Skonrokk og Saga
Uppáhaldsdrykkur: Bjór og vatn
Uppáhalds vefsíða? Engin
Ertu hjátrúarfull(ur) fyrir leiki ( ef já, hvernig þá)? Nei, en ef vel gengur þá reyni ég að halda hlutunum eins
Hvaða liði myndir þú aldrei spila með? Of mikil pressa að spila í Kólumbíska landsliðinu.
Hver var átrúnaðargoð þitt á yngri árum? Ekkert sérstakt, bara allir þessu klassísku.
Erfiðasti andstæðingur? Ég sjálfur.
Ekki erfiðasti andstæðingur? Yngra liðið á æfingum, þeim er fyrirmunað að næla í sigur gegn okkur eldri.
Besti samherjinn? Margir góðir, Gummi Ben, Tryggvi Guð, Hemmi, Veigar, Stjáni Finnboga, Kristján Örn og fleiri.
Sætasti sigurinn? Þyrluleikurinn 2002, og þegar við eyjamenn svo gott sem tryggðum okkur titilinn á KR-velli 1997, 2-3.
Mestu vonbrigði? Að missa af svona mörgum leikjum.
Uppáhaldslið í enska boltanum? Man Utd
Uppáhaldsknattspyrnumaður? Enginn sérstakur
Besti íslenski knattspyrnumaðurinn fyrr og síðar? Ásgeir og Eiður.
Efnilegasti knattspyrnumaður landsins? Elmar KR-ingur (skoti), en fljótlega kemur Guðjón Ólafsson og tekur við því hlutverki.
Fallegasti knattspyrnumaðurinn í deildinni? Kristján Finnbogason
Fallegasta knattspyrnukonan? Gunnar Einarsson
Besti íþróttafréttamaðurinn? Allir alveg ágætir
EKKI besti íþróttafréttamaðurinn? Allir alveg ágætir
Hver er mesti höstlerinn í liðinu? Sveddi Biff, með yfirburðum.
Hefurðu skorað sjálfsmark? Það fallegasta
Segðu okkur frá skemmtilegu atviki sem gerst hefur í leik: Þegar Tómas Ingi skaut yfir á Valbjarnarvellinum og boltinn endaði á Nings á Suðurlandsbraut. Það var rosalega fyndið, við hlógum allir geðveikt.
Hvenar lékstu þinn fyrsta leik með meistaraflokki? 1993 með ÍBV, kom inná á móti FH þar sem Tryggvi Guð settann í vinkilinn og Höddi Magg jafnaði í lokin.
Hvernig finnst þér Fótbolti.net? Bara alveg ljómandi þakka þér
Kíkir þú oft á Fótbolti.net? Annað slagið
Ef þú mættir breyta einni reglu í fótbolta, hverju myndir þú breyta? Stytta hálfleikshléið um helming.
Hvern vildir þú sjá á sviði? (tónleikum) Elvis
Hvað finnst þér leiðinlegast að gera á æfingu? Hita upp
Hversu lengi ertu að koma þér í gang á morgnanna? Allan daginn
Hver er uppáhaldsÍÞRÓTTAMAÐURINN þinn? Muhammed Ali
Fyrir utan knattspyrnu, fylgist þú með öðrum íþróttum? Svona lauslega með flest öllu.
Hver er uppáhalds platan þín? Grace með Jeff Buckley
Hvenær borgaðir þú þig síðast inn á knattspyrnuleik? Síðasta haust
Í hvernig fótboltaskóm spilar þú? Adidas
Í hverju varstu/ertu lélegastur í skóla? Sundi
Athugasemdir
