Eiður er spekingur í kringum leik Tyrklands og Íslands í undankeppni HM en hann ræddi við Hauk Harðarson og Pétur Marteinsson um leikbann tyrkneska þjálfarans Mircea Lucescu.

Saman ræddu þeir um mikilvægi þess að hafa þjálfarann á hliðarlínunni og minntist þá Eiður Smári um atvik sem átti sér stað í Meistaradeild Evrópu árið 2005.

Jose Mourinho, sem stýrði þá Chelsea, var þá dæmdur í tveggja leikja bann og mátti ekki vera á hliðarlínunni gegn Bayern München í 8-liða úrslitum Meistaradeildarinnar.

Það var orðrómur um að Mourinho hefði smyglað sér í þvottakörfu inn í búningsklefa Chelsea til þess að leggja línurnar fyrir leikinn en Eiður Smári staðfesti þá sögu í kvöld.

Hægt er að sjá brot af því þegar Eiður staðfestir þetta á RÚV í kvöld með því að smella á tengilinn hér fyrir neðan.

Þegar Eiður staðfesti söguna um Mourinho