Flosi Eiríksson, formaður knattspyrnudeildar Breiðabliks, og Telma Ívarsdóttir fyrir leikinn gegn Tindastóli. Telma fékk þar viðurkenningu fyrir að spila 100 leiki fyrir Blika.
Landsliðsmarkvörðurinn Telma Ívarsdóttir nefbrotnaði þegar hún lenti í samstuði við liðsfélaga sinn, Jakobínu Hjörvarsdóttur, undir lok leiksins gegn Tindastóli síðasta laugardag.
Breiðablik vann 3-0 sigur gegn Tindastóli en Telma átti frábæran leik í marki Blika.
Breiðablik vann 3-0 sigur gegn Tindastóli en Telma átti frábæran leik í marki Blika.
Hún varði frábærlega undir lokin og bjargaði því að Blikar tóku stigin þrjú. Markvarslan kom í stöðunni 1-0 en Breiðablik for svo upp í sókn og skoraði sitt annað mark í leiknum.
Telma lenti lenti svo í samstuði við Jakobínu og var það mjög harkalegt, en langt hlé var á leiknum út af því. Telma kláraði leikinn en fór svo upp á sjúkrahús að honum loknum.
Nik Chamberlain, þjálfari Breiðabliks, staðfestir að Telma sé nefbrotin og mjög bólgin, en verið sé að meta það hvort hún geti spilað gegn FH á föstudaginn.
Ef Telma getur ekki spilað, þá skapar það vandamál fyrir Breiðablik þar sem liðið er í raun ekki með varamarkvörð. Rakel Hönnudóttir spilaði leik í marki í vetur en hún er fyrrum landsliðskona. Hún spilaði sem miðjumaður áður fyrr.
Breiðablik gæti hugsanlega reynt að fá markvörð á neyðarláni ef Telma getur ekki spilað, en það mun koma betur í ljós í vikunni.
Breiðablik hefur byrjað vel og er með fullt hús stiga eftir tvo leiki.
Athugasemdir