Mauricio Pochettino segir að Rochdale völlurinn sé ekki boðlegur fyrir leik í fimmtu umferð enska bikarsins. Tottenham á að mæta Rochdale á útivelli annan sunnudag.
Völlurinn er illa farinn og hefur aðeins einn leikur farið þar fram síðan 9. janúar, bikarleikur Rochdale og Millwall síðasta þriðjudag.
Pochettino telur að leikmenn séu settir í meiðslahættu ef þeir eru látnir spila við þessar aðstæður.
„Ég held að leikmenn beggja liða setji sig í hættu með því að spila. Enska knattspyrnusambandið þarf að skoða völlinn og taka svo ákvörðun í framhaldinu. Þetta er ekki völlur sem er boðlegur í fótboltaleik," segir Pochettino.
Athugasemdir