Martin Ödegaard, fyrirliði Arsenal, var sáttur við frammistöðu sinna manna í 6-0 sigrinum á Sheffield United á Bramall Lane í kvöld, en hann tók ekki myndavélina upp að þessu sinni.
Ödegaard skoraði fyrsta mark leiksins og var útnefndur besti maður leiksins að mati Sky Sports.
Arsenal kláraði heimamenn í byrjun í annars frekar auðveldum og þægilegum sigri.
„Við vitum hvað þetta er erfiður staður til að koma á en við gerðum ótrúlega vel frá fyrstu mínútum. Við tókum stjórnina og vitum hvernig þeir spila. Þeir vilja vera mjög beinskeittir og við þurftum að vera tilbúnir fyrir það.“
„Við vorum í stuði í dag og þegar við fengum boltann þá sköpuðum við mörg færi, gerðum mörkum mörk snemma leiks og héldum áfram. Í heildina var þetta mjög góð frammistaða.“
„Við vildum halda skriðþunganum gangandi. Við höfum átt nokkra góða leiki í röð í deildinni og viljum halda áfram á sömu braut. Við viljum alltaf byrja leikina af krafti, sérstaklega á stöðum eins og þessum þar sem það getur verið snúið ef þú byrjar ekki vel. Við gerðum það í dag og hættum ekki.“
Það var eftirminnilegt atvik þegar Arsenal vann Liverpoo, 3-1, í síðasta mánuði, en þá fögnuðu Arsenal-menn eins og þeir hefðu unnið deildina. Ödegaard gekk svo langt að taka upp myndavél af ljósmyndara.
Jamie Carragher, sparkspekingur á Sky, var einn af þeim sem gagnrýndu fagnið sem allra mest, en hann velti fyrir sér af hverju hann greip ekki í myndavél í kvöld.
„Ég vissi að þetta kæmi en ég var bara of hræddur við að gera það í dag,“ sagði Ödegaard og hló.
Athugasemdir