Rooney mun í janúar ganga til liðs við Derby County í ensku Championship-deildinni. Hinn 33 ára gamli Rooney mun spila með liðinu sem leikmaður og einnig vera í þjálfarateyminu.

Hann mun þannig leggja grunninn að framtíð sinni í þjálfun.

Ferdinand, sem lék með Rooney hjá Manchester United á sínum tíma, telur sig vita hvað draumastarf Rooney er í þjálfun.

„Hann vill enda á því að stýra Manchester United, 100%. Það er staðreynd," sagði Ferdinand við BT Sport. „Ef hann segir eitthvað annað, þá er hann að ljúga."

Rooney er bæði markahæstur í sögu Manchester United og enska landsliðsins.