Portúgalski táningurinn Joao Felix hefur heillað á sínu fyrsta undirbúningstímabili með Atlético Madrid en hann skoraði bæði mörk liðsins í 2-1 sigri á Juventus í ICC-æfingamótinu í kvöld.

Innkoma hans gegn úrvalsliði MLS-deildarinnar á dögunum var mögnuð en liðið vann 2-0 sigur og kom hann inná í síðari hálfleik, skoraði og lagði svo upp mark fyrir Diego Costa.

Hann gerði þá bæði mörkin gegn Juventus í kvöld. Fyrra markið var lagleg afgreiðsla úr teignum og hann gerði svo nákvæmlega það sama níu mínútum síðar.

Það verður gaman að fylgjast með honum í spænsku deildinni á komandi tímabili og sjá hvort hann nái að feta í þau fótspor sem Antoine Griezmann skildi eftir sig.