Arnór Sigurðsson fagnaði sæti í A-landsliðinu með því að skora sitt fyrsta mark í rússnesku úrvalsdeildinni.
Hann skoraði annað mark CSKA Moskvu í frábærum 2-0 sigri gegn toppliðinu Zenit St. Pétursborg.
Arnór er búinn að eiga magnaðar vikur. Hann skoraði sitt fyrsta mark í Meistaradeildinni í liðinni viku og í dag skoraði hann sitt fyrsta mark í rússnesku úrvalsdeildinni. Í millitíðinni var hann valinn í fyrsta sinn í íslenska A-landsliðið.
Arnór er aðeins 19 ára gamall. Hann hefur með ótrúlegum hraða skotist upp á stjörnuhimininn.
Arnór og Hörður Björgvin Magnússon spiluðu báðir allan leikinn fyrir CSKA Moskvu í dag.
CSKA er komið upp fyrir Íslendingalið Rostov í fjórða sæti deildarinnar. Zenit er áfram á toppnum. Það munar átta stigum á CSKA og Zenit.
Jón Guðni Fjóluson var allan tímann á varamannabekknum hjá Krasnodar í 3-0 sigri gegn Yenisey fyrr í dag. Krasnodar er í öðru sæti með 26 stig.
Athugasemdir