Þegar hafa sex stig verið dregin af Reading og miklar áhyggjur eru af því að félaginu mistekist að standa við launagreiðslur þessa mánaðar og fái þá aukinn stigafrádrátt.

Reading hefur verið gríðarlega stolt af Bearwood Park æfingasvæðinu sem tekið var í notkun 2019. Það kostaði 50 milljónir punda að setja það upp og átti að vera merki um metnað félagsins til að komast upp í efstu deild.

Wycombe hefur verið í leit að æfingasvæði og hefur nú keypt Bearwood Park. Talið er það muni fæla mögulega kaupendur á Reading í burtu að æfingasvæðið sé ekki lengur í eigu félagsins.

Fótbolti.net fjallaði um það í janúar að Reading hafi þurft að taka erfiðar ákvarðanir í niðurskurði vegna þungra fjárhagsstöðu, starfsfólki var sagt upp og ekki var hægt að setja upphitun á æfingavöllum í gang.

Reading er í 18. sæti af 24 liðum í ensku C-deildinni.