Azpilicueta verður 35 ára í ágúst en hann hefur komið sterkur inn í leikmannahópinn hjá Atlético eftir félagsskipti síjn frá Chelsea.

Stefan Savic er einnig að skrifa undir nýjan samning við félagið sem gildir til sumarsins 2026. Savic er 33 ára gamall miðvörður sem var í lykilhlutverki er Atletico sló Inter úr leik í 16-liða úrslitum Meistaradeildar Evrópu á dögunum.

Savic á 289 leiki að baki fyrir Atlético, sem eru tæplega helmingi færri leikir heldur en Koke hefur spilað fyrir félagið.

Miðjumaðurinn Koke er 32 ára gamall og rennur út á samningi næsta sumar, en viðræður við Atletico eru komnar langt á veg.

Koke er uppalinn hjá Atlético og á 628 leiki fyrir meistaraflokk, auk þess að eiga 70 landsleiki að baki fyrir Spán.

Atletico er í harðri baráttu um meistaradeildarsæti, liðið situr í fjórða sæti spænsku deildarinnar með 55 stig eftir 28 umferðir.