Fjörið hefst á morgun þegar Wolves mætir Coventry City í hádegisleik dagsins. Liðin eigast við í 8-liða úrslitum í bikarnum, áður en tveir fallbaráttuslagir hefjast í úrvalsdeildinni.

Þar eru það nýliðar Burnley og Luton Town sem eiga heimaleiki gegn Brentford og Nottingham Forest, áður en Fulham og Tottenham eigast við í Lundúnaslag.

Á sama tíma hefst spennandi slagur í Manchester-borg, þar sem ríkjandi meistarar Man City taka á móti Newcastle í bikarnum.

Sunnudagurinn hefst á áhugaverðri viðureign Chelsea og Leicester, þar sem lærisveinar Mauricio Pochettino mæta öflugu toppliði Championship deildarinnar.

West Ham og Aston Villa eigast svo við í evrópuslag í ensku úrvalsdeildinni áður en stórleikur helgarinnar fer fram á Old Trafford.

Manchester United tekur þar á móti Liverpool í klassískum slag, þar sem mikið er í húfi fyrir bæði félög.

Laugardagur:
15:00 Burnley - Brentford
15:00 Luton - Nott. Forest
17:30 Fulham - Tottenham

Enski bikarinn:
12:15 Wolves - Coventry
17:30 Man City - Newcastle

Sunnudagur:
14:00 West Ham - Aston Villa

Enski bikarinn:
12:45 Chelsea - Leicester
15:30 Man Utd - Liverpool