„Þeir fóru upp um tvær deildir með ákveðið identity. Þú ert nánast með sömu leikmenn og komu liðinu upp. Mér finnst mjög skrýtið að fara þá í hátt og langt," sagði Gunnar.

„Ég velti því fyrir mér hvað planið er hjá Gróttu, sérstaklega á móti sterkari liðunum. Hvað átti Hákon Rafn (Valdimarsson) margar sendingar sem voru styttri en tíu metrar? Það hefur verið mikið talað um hvað hann er frábær í fótunum. Auðvitað kemur þarna nýr þjálfari en maður hefði haldið að það væri einhver beinagrind í þessu."

Grótta mætir Val á heimavelli á laugardaginn en í kjölfarið eru leikir gegn Fylki, HK og Fjölni.

„Ég held að Grótta fari yfir tíu stig. Þeir eiga eftir að sækja stig á heimavelli á móti liðunum sem er spáð í neðri hlutanum," sagði Magnús Már Einarsson.

Hér að neðan má hlusta á Innkastið.