Tíðindamikil umferð að baki í ensku úrvalsdeildinni og aðeins tvö stig skilja að fyrsta og fimmta sætið. Manchester City og Liverpool unnu um helgina og eru taplaus á toppnum með 23 stig. Þessir komust í úrvalslið umferðarinnar:
Markvörður: JORDAN PICKFORD (EVERTON) - Enski landsliðsmarkvörðurinn átti stórleik og varði víti í 2-0 sigri gegn Crystal Palace.
Hægri bakvörður: CEDRIC SOARES (SOUTHAMPTON) - Verulega traustur í markalausu jafntefli gegn Bournemouth.
Miðvörður: MICHAEL KEANE (EVERTON) - Átti stóran þátt í að Everton hélt hreinu og átti auk þess stoðsendingu.
Miðvörður: LEWIS DUNK (BRIGHTON & HOVE ALBION) - Átti enn einn stórleikinn þegar Brighton vann Newcastle.
Vinstri bakvörður: ADAM MASINA (WATFORD) - Öflugur í vörn og sókn í áhugaverðum sigri gegn Wolves.
Miðjumaður: FERNANDINHO (MANCHESTER CITY) - Mark og stoðsending í stórsigri gegn Burnley. Þá steig hann vart feilspor.
Miðjumaður: JONJO SHELVEY (NEWCASTLE UNITED) - Ekkert fellur með Newcastle en Jonjo kemst í úrvalsliðið þrátt fyrir að hafa verið í tapliði.
Miðjumaður: MESUT ÖZIL (ARSENAL) - Geggjaður í sigri Arsenal gegn Leicester. Klárlega besti leikmaður umferðarinnar.
Hægri vængur: RIYAD MAHREZ (MANCHESTER CITY) - Finnur sig vel hjá City, skoraði mark og átti flottan leik í 5-0 sigrinum gegn Burnley.
VInstri vængur: ANTHONY MARTIAL (MANCHESTER UNITED) - Sýndi hæfileika sína með tveimur mörkum í 2-2 jafntefli gegn Chelsea.
Sóknarmaður: PIERRE-EMERICK AUBAMEYANG (ARSENAL) - Kom inn af bekknum, skoraði tvö og sá til þess að Arsenal vann tíunda leikinn í röð.
Athugasemdir
