Heimild: Sunnlenska
Lokahóf yngri flokka Selfoss fór fram um síðustu helgi og var nýr pannavöllur vígður með fjörugri viðureign.
Pannavöllurinn heitir Bennavöllur í höfuðið á Benedikt Reyni Ásgeirssyni sem lést í bílslysi árið 1988, enn á táningsaldri.
Benedikt æfði knattspyrnu alla tíð og var liðsfélagi Valla Reynis og Gauja Tobba, sem hefur verið mikið sungið um í sumar, á Selfossi.
Í laginu, sem er flutt af Ingólfi Þórarinssyni, segir meðal annars að Valli Reynis sé „miklu betri en Gaui Tobba".
Pannavöllurinn var því að sjálfsögðu vígður með einvígi á milli Valla og Gauja, sem lauk með 1-1 jafntefli.
Athugasemdir