Lestu um leikinn: Ísland 3 -  0 Pólland

Ísland skoraði tvö mörk undir lok hálfleiks og náði þar að taka alla von frá Pólverjum sem höfðu verið öflugar fyrri hluta hálfleiksins.

„Mér líður mjög vel og ekkert smá sterkt að taka 3-0 á heimavelli og bara mjög stolt,“ sagði Karólína við Fótbolta.net, en það kom henni á óvart þegar þjóðsöngvarnir voru spilaðir.

„Það var geggjað. Ég var smá sjokkeruð í þjóðsöngnum. Það var mjög mikið af Pólverjum en svo tókum við yfir og þá heyrðist ekki mikið í þeim lengur.“

Fanney Inga Birkisdóttir stóð í marki íslenska liðsins og gerði mjög vel þegar á reyndi.

„Þær áttu alveg færi en Fanney var frábær í markinu. Vörnin hélt vel og við vorum að nýta okkar sénsa. Þannig unnum við leikinn.“

„Ein besta tilfinning sem maður getur haft en maður verður að drepa þennan leik og við gerðum það.“

Blikinn settist tvisvar á völlinn vegna meiðsla í ökkla en læknateymi íslenska liðsins náði að hlúa að henni í hálfleik og snéri hún aftur á völlinn.

Henni var síðan skipt af velli en Þorsteinn Halldórsson, þjálfari landsliðsins, ákvað að best væri að hvíla hana fyrir leikinn gegn Þýskalandi á þriðjudag.

„Ökklinn er búinn að vera smá að stríða mér í vikunni. Ég hef misstigið mig eitthvað og hann hefur stífnað eitthvað upp í hálfleik. Ég var teipuð og sett aftur inn á og þá leið mér betur en betra að hvíla mig aðeins fyrir þýska leikinn.“

„Það er bara beint í 'treatment' og þá er ég góð.“

Sveindís Jane Jónsdóttir skoraði þriðja og síðasta mark Íslands, er hún lék á varnarmann Póllands áður en hún setti boltann í netið. Hún furðar sig á því að Sveindís sé ekki að spila meira hjá stórliði Wolfsburg í Þýskalandi.

„Hún er frábær leikmaður og galið að hún sé ekki að spila meira hjá Wolfsburg. Frábært mark, á eftir að sjá þetta aftur því ég man ekki hvernig það var, en hún er frábær leikmaður