Ederson hefur ekki getað spilað með Man City í síðustu leikjum vegna meiðsla.

Markvörðurinn meiddist í 1-1 jafntefli liðsins gegn Liverpool fyrir landsleikjahlé en Stefan Ortega hefur staðið á milli stanganna í fjarveru hans.

Það er möguleiki á því að Ederson verði með gegn Palace í dag en varnarmennirnir Nathan Aké og Kyle Walker eru áfram frá vegna meiðsla.

„Ederson líður betur og gæti komið aftur í hópinn, en Nathan Aké og Kyle Walker verða ekki klárir fyrir leikinn gegn Palace,“ sagði Guardiola.

Man City þarf á öllum leikmönnum að halda á þessum loka kafla tímabilsins, en liðið er þremur stigum frá toppliði Liverpool og er þá komið í 8-liða úrslit Meistaradeildarinnar og undanúrslit enska bikarsins.