Færeyski fáninn var áberandi í stúkunni í Víkinni á laugardagskvöldið þegar Víkingur vann 2 - 0 sigur á Stjörnunni í opnunarleik Bestu-deildar karla.
Lestu um leikinn: Víkingur R. 2 - 0 Stjarnan
Þess er jafnan beðið í ofvæni hver skorar fyrsta mark deildarinnar ár hvert og í þetta sinn féll það í hlut færeyska landsliðsmannsins Gunnars Vatnhamar sem kom Víkingum yfir í fyrri hálfleiknum.
Hópur færeyskra stuðningsmanna var mættur í Víkina og varð vitni að þessu augnabliki landa síns og færeyski fáninn var settur hátt á loft.
Að leik loknum kíkti Gunnar svo til þeirra færeysku, stillti sér upp í myndatöku og spjallaði við þá. Hér meðfylgjandi eru fleiri myndir.
Athugasemdir