Ratcliffe er að gera miklar breytingar í starfsmannamálum United og er að vinna í því að fá Dan Ashworth frá Newcastle til að taka við sem yfirmaður fótboltamála. Þá er hann einnig að vinna í því að fá Jason Wilcox sem hefur starfað fyrir Southampton.

Meðal annarra breytinga sem Ratcliffe hefur verið að framkvæma er að Richard Arnold var látinn fara sem framkvæmdastjóri og Omar Berrada ráðinn í hans stað.

Murtough tók fyrst til starfa hjá United þegar Moyes var stjóri og byrjaði sem akademíustjóri hjá félaginu. Hann varð yfirmaður þróunarmála áður en Ed Woodward gerði hann að yfirmanni fótboltamála. Hann var talsvert umdeildur meðal stuðningsmanna en vinsæll innan félagsins.

Daily Mail segir að Murtough hafi viljað starfa áfram hjá United og hafi verið opinn fyrir því að fara í annað hlutverk en Ratcliffe ákveðið að ekki væri þörf á hans starfskröftum.