Steven Lennon
Steven Lennon, framherji FH, lét umdeild ummæli falla um íslenska landsliðið á Twitter í gær þegar Ísland spilaði gegn Frakklandi á EM.
Frakkarnir voru mikið sterkari aðilinn og þegar flautað var til hálfleiks var staðan 4-0 þeim í vil. Þá fór Lennon á Twitter og kvaðst ánægður með stöðuna og sagði alvöru fótbolta loksins vera að vinna á mótinu.
Finally proper football is coming out on top in this tournament.
— StevenLennon (@StevenLennon_10) July 3, 2016
Ummæli Lennon hafa vakið hörð viðbrögð og hafa menn eins og Hjörvar Hafliðason og Ólafur Kristjánsson gagnrýnt þau.
Lennon ákvað fyrir stuttu að birta útskýringu á því sem hann sagði í gærkvöldi á Twitter.
„Ísland, ég ber mikla virðingu fyrir íslenskum fótbolta og fyrir því sem landsliðið hefur afrekað á EM 2016. Tístið mitt í gær beindist ekki að Íslandi eða leikmönnum liðsins. Ég var ánægður að loksins skyldi vera fótbolti með mörkum og sóknum sem hefur vantað á þessu móti. Ef Ísland hefði skorað þessi mörk snemma í leiknum þá hefði tístið mitt verið það sama. Kannski í Rússlandi 2018 þá getur Skotland tekið þátt með ykkur (afar ólíklegt) #aframisland," sagði Lennon um málið.
— StevenLennon (@StevenLennon_10) July 4, 2016
Sjá einnig:
Hjörvar Hafliða lætur Steve Lennon heyra það á Twitter
Athugasemdir
