Ralph Hasenhuttl, þjálfari RB Leipzig, segir að frammistaða Naby Keita hafi dalað síðan hann samþykkti að ganga í raðir Liverpool.
Hasenhuttl segir að Keita sé ekki með sama stöðugleika og hafi gert hann að einni skærustu stjörnu þýsku deildarinnar á síðasta tímabili.
Hasenhuttl segir að Keita sé ekki með sama stöðugleika og hafi gert hann að einni skærustu stjörnu þýsku deildarinnar á síðasta tímabili.
Keita, sem er 22 ára, skoraði átta mörk og átti sjö stoðsendingar þegar Leipzig lenti í öðru sæti þýsku deildarinnar í fyrra.
Hann mun fara til Liverpool í sumar eftir að enska félagið nýtti sér 48 milljóna punda riftunarákvæði í ágústmánuði 2017.
„Naby er ekki með sama stöðugleika á þessu ári og því síðasta. Það er mikilvægt að hans kröfur og væntingar séu aftur stilltar eðlilega," segir Hasenhuttl.
Þrátt fyrir að Keita hafi ekki verið eins öflugur og á síðasta tímabili hefur hann verið lykilmaður hjá Leipzig og er kominn með þrjú mörk og tvær stoðsendingar.
Leipzig er í þriðja sæti þýsku úrvalsdeildarinnar.
Athugasemdir