Sam Kerr, leikmaður kvennaliðs Chelsea og ástralska landsliðsins, mætti í dómssalinn í gær.

Kerr er eitt stærsta nafn heims í kvennaboltanum en hún er sökuð um að hafa verið með kynþáttafordóma í garð lögreglumanns. Leigubílstjóri hafði kvartað yfir Kerr og því mætti umræddur lögreglumaður á staðinn.

Kerr er þrítug og er sögð hafa verið með ógnandi eða móðgandi orðalag sem sneru að kynþætti lögreglumannsins.

Hún neitar sök en ástralska fótboltasambandið segist ekki hafa fengið upplýsingar um málið heldur frétt af því í gegnum fjölmiðla.