Stjarnan og Njarðvík áttust við í eina leik kvöldsins í Lengjubikarnum og var staðan markalaus eftir fyrri hálfleik.

Njarðvíkingar voru snöggir að taka forystuna í síðari hálfleik þegar Svavar Örn Þórðarson, fæddur 2004, kom boltanum í netið.

Það tók heimamenn í Garðabæ stundarfjórðung að jafna metin en meira var ekki skorað og urðu lokatölurnar því 1-1. Hinn þaulreyndi Hilmar Árni Halldórsson gerði jöfnunarmarkið.

Þetta er annað stig beggja liða í Lengjubikarnum, þar sem Stjarnan er með tvö stig eftir fjórar umferðir en Njarðvík er búin að spila alla sína leiki í riðlakeppninni.