Eggert Gunnþór Jónsson er kominn inn í íslenska landsliðshópinn. Eggert var síðast í landsliðshóp árið 2014 en hann spilaði síðast landsleik, að því er kemur fram á vefsíðu KSÍ, árið 2012 gegn Sviss í undankeppni HM.
Eggert, sem er þrítugur, spilar með Sönderjyske í dönsku úrvalsdeildinni og hefur gert það frá því í janúar á síðasta ári. Eggert er í stóru hlutverki á miðjunni hjá Sönderjyske.
„Hann er að spila hjá Sönderjyske og hann er að standa sig vel. Ég veit að hann hefur ekki spilað fyrir Ísland í langan tíma. Hann er einn af þeim leikmönnum sem við viljum sjá," sagði Erik Hamren, landsliðsþjálfari, um valið.
„Hann getur spilað í mörgum stöðum en við lítum á hann sem miðjumann."
„Ég hef bara séð myndbönd af honum en ég hef líka heyrt mjög góða hluti."
Eggert á 19 A-landsleiki fyrir Íslands hönd.
Smelltu hér til að sjá hópinn.
Athugasemdir