Það er magnað Meistaradeilarkvöld að baki. Liverpool og... Roma eru komin áfram í undanúrslitin.
Eftir 3-0 sigur í fyrri leiknum gegn Manchester City, þá náði Liverpool að sigla sætinu í undanúrslitunum í höfn í kvöld. Leikurinn byrjaði ekki vel fyrir Liverpool því Gabriel Jesus skoraði með fyrsta skoti leiksins.
Eftir 3-0 sigur í fyrri leiknum gegn Manchester City, þá náði Liverpool að sigla sætinu í undanúrslitunum í höfn í kvöld. Leikurinn byrjaði ekki vel fyrir Liverpool því Gabriel Jesus skoraði með fyrsta skoti leiksins.
Staðan var 1-0 í hálfleik en hún hefði með réttu átt að vera 2-0 fyrir heimamenn í City þar sem mark var tekið af Manchester City sem hefði átt að standa. Pep Guardiola, stjóri City, var mjög ósáttur og var rekinn upp í stúku fyrir mótmæli.
Liverpool mætti af krafti í seinni hálfleikinn og kláraði verkefnið, svo einfalt er það. Hinn magnaði Mohamed Salah skoraði fyrst áður en Roberto Firmino bætti við öðru marki.
Pep Guardiola sat grautfúll upp í stúku.
Blue Moooon, Blue Moooon, blah blah. #LFC #MCILIV #UCL #Guardiola pic.twitter.com/o2YN7Olshp
— LFC Photo (@LFCphoto) April 10, 2018
Liverpool kláraði leikinn 2-1 og er komið áfram, ásamt Roma sem gjörsamlega pakkaði Barcelona saman í kvöld!
Eftir 4-1 tap á Nývangi bjuggust flestir við því að Börsungar myndu komast auðveldlega áfram í kvöld en annað kom á daginn. Roma vann 3-0 en varnarmaðurinn Kostas Manolas gerði þriðja markið mikilvæga á 82. mínútu leiksins.
Hreint út sagt ótrúleg úrslit í Róm og Barcelona er úr leik!
Roma 3 - 0 Barcelona
1-0 Edin Dzeko ('6 )
2-0 Daniele De Rossi ('58 , víti)
3-0 Kostas Manolas ('82 )
Manchester City 1 - 2 Liverpool
1-0 Gabriel Jesus ('2 )
1-1 Mohamed Salah ('56 )
1-2 Roberto Firmino ('77 )
Meanwhile, in Rome… 😳 pic.twitter.com/fUg3q8LgAH
— B/R Football (@brfootball) April 10, 2018
Athugasemdir