Lionel Messi tekur fyrirsagnirnar eftir 3-0 sigur Barcelona á Eibar á þessu sunnudagskvöldi.

Luis Suarez skoraði eina mark fyrri hálfleiks, en í upphafi síðari hálfleiks bætti Messi við öðru marki. Þetta var mark númer 400 hjá Messi í spænsku úrvalsdeildinni. Hann er fyrsti leikmaðurinn sem nær 400 mörkum í La Liga, en honum tókst að skora þessi mörk í 435 leikjum.

Suarez skoraði annað mark sitt og þriðja mark Barcelona á 59. mínútu og þar við sat. Lokatölur 3-0.

Barcelona er með fimm stiga forystu á toppnum þegar mótið er hálfnað. Eibar er í 13. sæti.

Nú fer að hefjast leikur Real Betis og Real Madrid. Hann er í beinni á Stöð 2 Sport 3.

Leikir dagsins á Spáni:
11:00 Atletico Madrid 1 - 0 Levante (Stöð 2 Sport)
15:15 Athletic Bilbao 2 - 0 Sevilla (Stöð 2 Sport 2)
17:30 Barcelona 3 - 0 Eibar (Stöð 2 Sport 3)
19:45 Real Betis - Real Madrid (Stöð 2 Sport 3)

Messi has just scored his 400th goal for @FCBarcelona in @LaLigaEN. It would be an astonishing statistic if he were just a goal scorer, but he’s so much more than that. We’re blessed to live in his time. 👏👏👏

— Gary Lineker (@GaryLineker) January 13, 2019