Svo gæti farið að England fái fimm sæti í Meistaradeildinni á næsta tímabili, fimmta sæti ensku úrvalsdeildarinnar gefur þá þátttökurétt í keppninni.

Til þess að landa fimmta Meistaradeildarsætinu þurfa ensku liðin að ná ákveðnum árangri í þeim Evrópukeppnum sem eru í gangi á þessu tímabili.

Mögnuð endurkoma Bayer Leverkusen í gær þýðir að Þýskaland er enn fyrir ofan England í baráttunni um auka sæti í Meistaradeildinni. En samanlagður árangur ensku liðanna í leikjum gærdagsins, þar á meðal sigur Brighton gegn Roma þó liðið hafi fallið úr leik, þýðir að England nálgast sætið.