Leipzig getur komið sér í meistaradeildarsæti með sigri, á meðan Köln er sjö stigum frá öruggu sæti í efstu deild.

Á morgun, laugardag, tekur Union Berlin á móti Werder Bremen á meðan FC Bayern heimsækir botnlið Darmstadt, sem er aðeins búið að sigra tvo leiki af 25 á deildartímabilinu.

Hoffenheim og Stuttgart eigast við í síðasta leik dagsins, þar sem Stuttgart er í frábærri stöðu í þriðja sæti deildarinnar á meðan Hoffenheim þarf á sigri að halda í baráttunni um síðasta evrópusætið.

Að lokum eru tveir leikir á dagskrá á sunnudaginn, þar sem topplið Bayer Leverkusen heimsækir Freiburg áður en Borussia Dortmund mætir Eintracht Frankfurt.

Leverkusen er með tíu stiga forystu á toppinum þegar níu umferðir eru eftir af deildartímabilinu, en Dortmund situr í fjórða sæti deildarinnar - 20 stigum eftir Leverkusen.

Taplaust lið Leverkusen er búið að vinna sex deildarleiki í röð.

Dortmund þarf sigur í meistaradeildarbaráttunni, alveg eins og Freiburg og Frankfurt þurfa sigra í evrópubaráttunni.

Dortmund er sjö stigum fyrir ofan Frankfurt fyrir lokahnykk tímabilsins og er því um afar mikilvægan innbyrðisslag að ræða á sunnudaginn.

Föstudagur:
19:30 Köln - RB Leipzig

Laugardagur:
14:30 Union Berlin - Werder Bremen
14:30 Wolfsburg - Augsburg
14:30 Mainz - Bochum
14:30 Heidenheim - Gladbach
14:30 Darmstadt - Bayern
17:30 Hoffenheim - Stuttgart

Sunnudagur:
14:30 Freiburg - Leverkusen
16:30 Dortmund - Eintracht Frankfurt