Fótbolti.net ræddi við Heimi Guðjónsson, þjálfara FH, á æfingu Hafnarfjarðarliðsins í Kaplakrika.

„Braga er með hörkugott lið og við þurfum að spila tvo mjög góða leiki. Þeir eru mjög góðir í að halda bolta innan liðsins og eru með flinka leikmenn. Þeir eru góðir í stutta spilinu og eru heilt yfir bara gott fótboltalið," segir Heimir.

„Við þurfum að vera klókir í varnarleiknum. Þessi lið eru fljót að refsa fyrir mistök. Við þurfum líka að vera árásagjarnir. Við sáum í seinni leiknum í Maribor að við vorum of fljótir að fara í löngu boltana. Við þurfum að geta haldið boltanum og fundið veikleikana á andstæðingunum og skapa okkur betri færi."

Við spurðum Heimi hreint út hvort FH ætti raunverulega möguleika í þessu einvígi.

„Við verðum alltaf að trúa því að við eigum möguleika. Ég hef alltaf sagt það með Evrópukeppnina að við verðum að trúa að við eigum möguleika. Þegar FH liðið stendur saman þá er möguleiki."

Viðtalið má sjá í heild í sjónvarpinu hér að ofan.

Sjá einnig:
Böddi löpp: Notum kannski svipað leikplan og ÍBV gerði gegn okkur