Heimildir Fótbolta.net í Skotlandi herma að útsendarar frá Nottingham Forest hafi verið tíðir gestir á leikjum Edinborgarliðsins á síðustu vikum til þess að fylgjast með Eskfirðinginum.

Þá hefur Coventry einnig sýnt framgöngu leikmannsins áhuga og var Steve Kean, aðstoðarþjálfari Coventry, meðal áhorfenda á leik Hearts og Celtic fyrir skömmu í þeim tilgangi að skoða Eggert.

Landsliðsmaðurinn Aron Einar Gunnarsson spilar sem kunnugt er með Coventry.

Ljóst er að Hearts mun reynast erfitt að halda Eggerti haldi hann áfram á sömu braut en forráðamenn félagsins eru hins vegar ekki tilbúnir að láta hann fara fyrir lítinn pening.