Barcelona hefur staðfest kaup sín á Philippe Coutinho frá Liverpool. Coutinho kemur til Barcelona á 142 milljónir punda og er þar með næstdýrasti leikmaður sögunnar á eftir Neymar sem fór frá Barcelona til PSG í sumar á 200 milljónir punda.

Coutinho skrifar undir fimm og hálfs árs samning við Barcelona.

Riftunarákvæðið í samningi hans hjá Barcelona hljóðar upp á 400 milljónir evra eða 354 milljónir punda.

Barcelona gerði þrjú tilboð í Coutinho í sumar en þau voru öll lægri en núverandi upphæð og Liverpool hafnaði þeim.

Félögin náðu loks saman í dag og Barcelona var ekki lengi að staðfesta félagaskiptin.

Coutinho verður síðan formlega kynntur fyrir stuðningsmönnum félagsins á næstu dögum.

Hér að neðan má sjá myndband þar sem Coutinho er kynntur sem nýr leikmaður Barcelona.