Jökull hélt hreinu í 3-0 sigri Camberley gegn Farnham Town FC í síðustu viku.

Á laugardaginn spilaði hann síðan í 2-1 sigri með U23 ára liði Reading í æfingaleik. Þá hefur hann farið á nokkrar æfingar með aðalliði Reading að undanförnu.

Í fyrra samdi Jökull við Reading en bróðir hans Axel Óskar Andrésson hefur leikið með liðinu síðan árið 2014.

Arsenal vildi fá Jökul í sínar raðir í fyrra þar sem félagið taldi hann einn af þremur bestu ungu markmönnum í Englandi. Hann ákvað hins vegar að hafna samningi frá Arsenal og semja við Reading.

Jökull hefur leikið með yngri landsliðum Íslands en hann er nýbyrjaður að spila aftur eftir tíu mánaða fjarveru vegna meiðsla á hné.