Virgil van Dijk, miðvörður Liverpool og hollenska landsliðsins, hefur miklar mætur á Niklas Süle, varnarmanni FC Bayern og þýska landsilðsins.
Van Dijk kom á undan Lionel Messi og Cristiano Ronaldo í kjöri á leikmanni ársins enda var hann algjör lykilmaður í liði Liverpool sem vann Meistaradeildina og komst hársbreidd frá sínum fyrsta úrvalsdeildartitli.
„Ég hef verið að fylgjast með þróun Süle í nokkur ár og hef oft spilað gegn honum," sagði Van Dijk, en þeir mættust einmitt í undankeppni EM 2020 á dögunum.
„Hann er mjög hæfileikaríkur varnarmaður sem á framtíðina fyrir sér. Það er ekki að ástæðulausu sem hann er lykilmaður hjá FC Bayern."
Süle er 24 ára og lék allan leikinn í 2-4 tapi á heimavelli gegn Van Dijk og félögum frá Hollandi.
Athugasemdir