Tap í fyrsta leik á EM staðreynd hjá Íslenska liðinu. Við getum talað um þetta rauða spjald og eitt og annað. Staðreyndin er samt sú að þetta var bara ekki nógu gott heilt yfir. Nú þarf að rífa sig upp og mæta mun beittari í viðureign gegn heimakonum í Sviss á sunnudag. Viðbrögð frá Sviss væntanleg.

Atvikið má sjá aftarlega í klippunni að ofan. Hér er styttri bútur pic.twitter.com/TX6MRRPs12

— RÚV Íþróttir (@ruvithrottir) July 2, 2025

Sveindís með lúmskt skot frá hægra vítateigshorni en því miður framhjá markinu. Koivunen var ekki viss í markinu.

Agla María með boltann inn á teiginn, Dagný í hlaupi á fjær en boltinn aðeins of langur

Góð sókn Íslands, boltinn berst yfir til hægri þar sem Katla tekur skotið en Anna ver. Finnar liggja eftir og kvarta svo yfir því að sú ungverska kallar til sjúkraþjálfara.

Það er nú eða aldrei.

Agla María með góða tæklingu beint í boltann við teig Finna. Sú ungverska ekki á sama máli og dæmir Öglu Maríu brotlega.

Sveindís spörkuð niður en aftur sér Katalin dómari enga ástæðu til þess að dæma nokkuð á það.

Anna Koivunen sest á völlinn og þarf aðhlynningu. Ætla leyfa mér að efast um að það sé mikið af.

Dagný og Katla leika sín á milli. Vinna horn. Finnar skalla frá og fá á einhvern furðulegan hátt innkast þrátt fyrir að hafa sett boltann sjálfar út af.

Agla María með fast skot af um 20 metra færi. Nokkuð beint á Koivunen sem ver nokkuð þægilega.

Tíminn að fljúga frá okkur. Á liðið orku til að koma til baka manni færri?

Sleppur ein í gegn um þétta vörn Finna. Hefur tíma til að leggja boltann fyrir sig en sneiðir boltann framhjá markinu.

Enn er Kosola að fá boltann úti til vinstri. Leikur inn á teiginn og nær skotinu en sem betur fer svífur boltann vel yfir markið.

Kosola með skotið sem fer af varnarmanni og afturfyrir. Finnar fá horn. Natalia Kuikka með skalla eftir hornið en vel framhjá.

Guðrún Arnardóttir reynir hælspyrnu að marki eftir fyrirgjöf frá hægri en Finnar bjarga í horn.

Karólína Lea fer illa með Nyström í teig Finna. Kemur boltanum fyrir markið en Finnar bjarga.

Guðný Árnadóttir geysist upp hægri vænginn. Með tíma og pláss reynir hún fyrirgjöf en Finnar bjarga.

Katalin Kulcsár setur upp glæsilega hindrun fyrir Riu Öling sem keyrir í átt að marki. Blokkar Karólínu frá að komast í hana og nær Öling skoti sem Ingibjörg kemst fyrir.

Þvílíkur darraðardans eftir langt innkast Sveindísar. Ingibjörg með skot sem Koivunen ver. Alexandra með skot í kjölfari sem fer í Koivisto. Ísland kallar eftir hendi en sú finnska fær boltann rakleitt í andlitið.

Sveindís hreinlega sleginn í grasið en fær ekki neitt! Katalin Kulcsár illa staðsett og sér ekki neitt

Agla María Albertsdóttir er að gera sig klára á hliðarlínunni.

Linda Sällström kemur sér framhjá Sædísi en á slakt skot sem siglir framhjá marki Íslands.

Sveindís á hörkuspretti og kemur sér inn á teig Finna sem bjarga með vel tímasettri tæklingu.

Einar Örn Jónsson segir í útsendingu Rúv að ekki hafi verið um meiðslin sem hrjáðu Glódísi í vetur að ræða heldur sé ástæðan heilsufarslegs eðlis. Með öðrum orðum veikindi

Finnar sparka þessu af stað á ný í annari tilraun.

Sérfræðingar RÚV voru ekki hrifnir af spilamennsku Íslands í fyrri hálfleik og veltu fyrir sér hvort leikmenn væru eitthvað stressaðir. „Þetta er eina skiptið sem við komum á miðsvæðið og komum okkur í góða stöðu. Fyrir utan það hefur þetta verið rosalega dapurt," sagði Albert Brynjar Ingason þegar eina færi Íslands í fyrri hálfleiknum var skoðað. „Mér finnst við vera í vandræðum, sérstaklega hægra megin í varnarlínunni. Guðný er í vandræðum og Hlín er ekki að hjálpa henni. Mér finnst við vera bara í miklum vandræðum varnarlega," sagði Adda Baldursdóttir. „Miðjan hefur ekki hjálpað vörninni finnst mér. Hildur og Alexandra eru í vandræðum með staðsetningar og Finnar hafa bara stýrt þessum leik. Ég veit ekki hvort þetta er stress eða hvað en það þarf miklu meiri ró og yfirvegun," sagði Ólafur Kristjánsson.

Með boltann: Ísland 50% - 50%Finnland Skot: Ísland 6 - 9 Finnland Reyndar sendingar: Ísland 164 - 187 Finnland Heppnaðar sendingar: Ísland 124 - 153Finnland Vegalengd hlaupin: Ísland 38,6 km - 40,1 km Finnland

Flautað til hálfleiks í Thun í Sviss. Ekki hræðilegur fyrri hálfleikur hér en alls ekki góður heldur. Mikið rými til bætinga hjá Íslenska liðinu en við efumst ekki um að liðið stilli sig betur saman í hálfleik og mæti grimmt út í síðari hálfleikinn.

Finnar með horn. Cecilía sem fyrr grípur boltann.

Alltof margir sendingarfeilar hjá okkar konum í þessum fyrri hálfleik. Það verður eflaust farið yfir það í hálfleik og lagað.

Það er byrjað að rigna hressilega. Stuðningsmenn Íslands syngja um að rigningin sé góð.

Ná að þrýsta liði Finna djúpt inn á eigin teig. Karólína með fyrirgjöf en Finnar komast fyrir.

Hlín heldur boltanum af harðfylgi við miðlínuna hægra megin. Kemur boltanum á Karólínu sem þræðir boltann inn á Sveindísi sem er úti hægra megin. Hún lítur inn á teiginn og sér Söndru Maríu mæta á fjær og finnur hana en Koivisto rennir sér fyrir skot hennar og bjargar.

Cecilía rís hátt og hirðir boltann. Öryggið uppmálað.

Hreinsun Ingibjargar eftir fyrirgjöf Koivisto fer í hornfánan og afturfyrir.

Glódís skokkar aftur inn á eftir að hafa reynt að ná athygli Katalin Kulcsár heillengi.

Sædís Rún er klár að koma inn á fyrir Glódísi. En Glódís neitar að gefa sig og ætlar aftur inná.

Aftur er Glódís sest á völlinn. Púlsinn fer hækkandi.

Endar með skoti frá Kosola yfir markið.

Koivisto fær dæmt brot á Sveindísi fyrir að vera of fljót. Ætlaði öxl í öxl við hana en hitti ekki og datt. Katalin Kulcsár dæmir Sveindísi brotlega.

Oona Siren með skot af talsverðu færi. Nær góðum krafti í skotið en Cecilía ver vel.

Kraðak í teig Íslands eftir þunga sókn. Sveindís hreinsar að lokum.

Finnur Glódísi sem er á fyrst á boltann sem dettur niður í teignum. Finnar hreinsa frá en ekki langt og reynir Sandra María skot en Finnar komast fyrir.

Sveindís vinnur boltann hátt á vellinum. Boltinn færður frá vinstri til hægri yfir á Hlín sem reynir fyrirgjöf en Finnar komast á milli

Emma Koivisto fer niður í teignum er hún reynir að ráðast á fyrirgjöf frá vinstri. Ekkert á þetta og Ísland á markspyrnu.

Glódís mætt til vallar á ný.

Glódís Perla er sest á völlinn og þarf á aðhlynningu að halda. Það yrði skelfilegt að missa hana af velli. Þorsteinn er mjög áhyggjufullur á hliðarlínunni. Leggjumst á bæn en Glódís gengur óhaltrandi af velli.

Anna Koivunen missir boltann klauflega undir sig og gefur Íslandi horn

Enn er Kosola að ógna fyrir Finna. Nær góðu skoti úr D-boganum. Cecilía kastar sér á boltann og ver glæsilega í horn. Ekkert kemur upp úr hornspyrnu Finna.

Katariina Kosola leikur vel inn á völlinn frá vinstri og reynir skotið. Ekki galin tilraun hjá henni sem siglir yfir markið. Cecilía þess utan með skot hennar alveg á hreinu.

Þrumurnar heyrast vel í sjónvarpsútsendingu frá leiknum. En þær eiga ekki séns í Víkingaklappið.

Alexandra með skemmtileg tilþrif og klobbar leikmann Finna. Karólína og Sveindís leika svo sín á milli sem endar með skoti frá Karólínu. Reynir að snúa boltann í hornið fær frá vinstri en setur alltof mikinn kraft í skotið sem siglir vel fjarri markinu.

Svakalegri eldingu brestur niður við völlinn! Stúkan tekur andköf.

Ria Öling með hörkuskot eftir ágæta sókn Finna en Cecilia vel staðsett og handsamar boltann.

Kosola brýst upp vinstri vænginn fyrir Finna og vinnur fyrstu hornspyrnu þeirra.

Hornið frá Karólínu innarlega og Anna í marki Finna slær boltann frá. Sandra María fyrst á frákastið og nær skoti en múrinn þéttur og aukaspyrna að lokum dæmd.

Það eru eldingar við í kringum völlinn. Það er algeng sjón hérna í Thun, allavega síðustu daga.

Finnskt höfuð í boltann og Ísland fær horn.

Það eru Finnar sem hefja hér leik. Framundan 90 mínútur af spennu. ÁFRAM ÍSLAND!

Þjóðsöngurinn geggjaður, algjör gæsahúð. Íslensku stuðningsmennirnir eru mættir með læti. Núna má þetta byrja!

Liðin eru að ganga út. Það er enn fullt af lausum sætum. Á að vera svo gott sem uppselt. Fólk ekki að velga að skila sér nægilega vel þegar sex mínútur eru í leik.

Liðin eru klár í göngunum og eru að fara að labba út!

Það er gríðarlega góður andi í íslenska hópnum og maður finnur vel fyrir stemningunni með því að vera í kringum liðið. Núna er kominn tími á það að byrja Evrópumótið af krafti og ná í annan sigur íslenska kvennalandsliðsins á stórmóti. Koma svo!

Það er búið að vera gríðarlegur hiti í Thun í dag, en núna þegar líður á kvöldið þá er aðeins byrjað að kólna. Maður hefur vanist því hérna úti að það er ekki langt í rigninguna í þessum mikla hita svona nálægt ölpunum.

Bæði lið eru farin inn í klefa, upphitun er lokið. Núna styttist í stóru stundina. Stuðningsmenn Íslands láta vel í sér heyra!

Það er að myndast góð stemning á Stockhorn Arena. Íslenskir stuðningsmenn hafa fjölmennt á völlinn. Þeir ætla að vera í sérflokki eins og á síðustu mótum.

????????
Þorsteinn fyrir leikinn gegn Finnum. Þetta er að bresta á!
„Raunverulega þegar maður er búinn að bíða svona lengi eftir þessu þá magnast þetta upp,“ sagði Þorsteinn um tilfinninguna.

Byrjunarliðið, pressu uppleggið og fleira! pic.twitter.com/DFUwUV8Cpc

— RÚV Íþróttir (@ruvithrottir) July 2, 2025

????????
Alexandra fyrir leikinn gegn Finnum. Þetta er að bresta á!
„Tilfinningin er sjúklega góð. Ég er stolt. Ætli þetta sé ekki blanda. Ég er mjög spennt og mjög stressuð,“ sagði Alexandra sem ræddi einnig um leikdagsrútínuna sína. pic.twitter.com/7FDTh0o0VC

— RÚV Íþróttir (@ruvithrottir) July 2, 2025

Það var mikil stemning á stuðningsmannasvæði Thun fyrir leikinn. Fótbolti.net var á staðnum og tók þessi viðtöl:

Það er svo sem ekkert óvænt í þessu. Þetta er sama byrjunarlið og gegn Serbíu í vináttulandsleiknum um daginn.

Maður finnur fyrir því að það eru ákveðnar væntingar hjá íslenskum stuðningsmönnum að liðið fari upp úr riðlinum á EM í ár. Við sluppum við stórliðin og erum í dauðafæri að gera góða hluti á þessu móti. Það ber þó að nefna að Ísland hefur bara einu sinni farið upp úr riðlinum í fjórum tilraunum. Það gerðist í Svíþjóð 2013 þegar Dagný Brynjarsdóttir gerði sigurmark gegn Hollandi í lokaleik riðilsins. Núna er kominn tími á það að við förum aftur upp úr riðlinum og þá er gott að byrja á sigri gegn Finnlandi í dag.

Þetta er fimmta stórmót Íslands, fimmta Evrópumótið í röð sem við förum á. Við höfum síðasta daga verið að rifja upp síðustu stórmót.

Á síðustu dögum höfum við kynnt alla leikmenn liðsins til leiks í sérstökum leikmannakynningum. Hér fyrir neðan má skoða þær allar.

Fótbolti.net hefur fylgt liðinu bæði til Serbíu og Sviss í aðdraganda mótsins en hér fyrir neðan má sjá öll viðtölin sem hafa verið tekin á síðustu dögum.

View this post on Instagram

A post shared by Knattspyrnusamband Íslands (@footballiceland)

Ísland Finnland Noregur Sviss Af þessum liðum er Ísland efst á styrkleikalista FIFA. Ísland er í 14. sæti listans, Noregur í 16. sæti, Sviss er í 23. sæti og Finnland er neðst í 26. sæti. Ef við ætlum okkur að gera einhverja hluti á þessu móti, þá er mikilvægt að taka góð úrslit úr þessum leik.

Góðan daginn kæru lesendur og verið velkomnir í beina textalýsingu frá leik Íslands og Finnlands. Þetta er fyrsti leikurinn hjá stelpunum okkar á EM í Sviss en um er að ræða afar mikilvægan leik.