Sædís Rún Heiðarsdóttir.
Sædís á æfingu í dag.
„Tilfinningin er rosalega góð. Þetta er eitthvað sem manni hefur alltaf dreymt um," sagði Sædís Rún Heiðarsdóttir við Fótbolta.net í dag.
Hún er í landsliðshópi Íslands sem tekur þátt í Evrópumótinu í Sviss. Stelpurnar komu til Sviss í gær og tóku sína fyrstu æfingu þar í dag. Á miðvikudag er svo fyrsti leikur gegn Finnlandi.
Hún er í landsliðshópi Íslands sem tekur þátt í Evrópumótinu í Sviss. Stelpurnar komu til Sviss í gær og tóku sína fyrstu æfingu þar í dag. Á miðvikudag er svo fyrsti leikur gegn Finnlandi.
„Maður er í þeim forréttindahópi að fá að upplifa þetta. Þegar maður lítur til baka og sér myndir af því þegar ég var pínulítil, þá fær maður smá svona raunveruleikatékk. Þetta er virkilega stórt, mér finnst þetta mikil forréttindi og ég er ótrúlega stolt af því að vera hérna."
Það fer vel um stelpurnar í Sviss; þær eru á frábæru hóteli og æfa við góðar aðstæður.
„Það er mjög fallegt hérna og það er geggjað að vera með þessum hópi," sagði Sædís, sem uppalin er hjá Víkingi Ólafsvík.
Um hótelið sagði hún: „Það er ógeðslega flott, smá óraunverulegt. Það er eiginlega bara eins og málverk þegar maður lítur út um gluggann. Ekki yfir neinu að kvarta."
Stelpurnar spiluðu gegn Serbíu á dögunum og unnu þann leik 1-3.
„Það voru margir góðar kaflar þar sem við getum tekið með okkur. Við sköpuðum okkur virkilega mörg færi og gerðum þetta vel," segir Sædís en hún er mjög spennt fyrir fyrsta leik á móti Finnlandi á EM.
„Við fáum hér nokkra daga áður en við spilum fyrsta leik. Þetta leggst virkilega vel í mig."
Allt viðtalið má sjá í spilaranum hér að ofan.
Leikir Íslands á EM:
2. júlí, Ísland - Finnland
6. júlí, Ísland - Sviss
10. júlí, Ísland - Noregur
Athugasemdir
