Cecilía Rán Rúnarsdóttir, markvörður Íslands.
„Það hefði verið gaman að halda hreinu, en það er gaman að vinna og gefur okkur gott veganesti inn í Evrópumótið," sagði Cecilía Rán Rúnarsdóttir eftir sigur á Serbíu í vináttuleik í kvöld.
Þetta var síðasti leikur liðsins fyrir Evrópumótið í Sviss.
Þetta var síðasti leikur liðsins fyrir Evrópumótið í Sviss.
Lestu um leikinn: Serbía 1 - 3 Ísland
„Við skorum tvö mörk á fyrstu fimm mínútum og það gaf okkur góða orku," sagði Cecilía. „Þetta var svolítið erfitt í hitanum þar sem við erum ekki eins vanar honum og þær. Við gerðum það besta úr þessu, en það verður ekki alveg svona heitt í Sviss."
Það kom upp athyglisvert atvik í fyrri hálfleik þar sem dómarinn flautaði og gaf Serbíu hornspyrnu. Hún mat það sem svo að Cecilía hefði verið of lengi með boltann en ný átta sekúndna regla var tekin upp í fótboltanum fyrir stuttu.
„Ég gerði allt rétt, dómarinn viðurkenndi að hún gerði mistök. Hún lærir bara af því. Ég var búin að setja hann niður. Hún gefur merki um að það séu fimm sekúndur eftir og svo set ég boltann niður sem má, en hún hefur greinilega misskilið eitthvað. Þetta er ný regla og allir eru að læra hana," sagði Cecilía.
Hún hefði viljað gera betur í markinu sem Serbía skoraði. „Ég hefði bara viljað verja hann," sagði Cecilía hreinskilin.
Allt viðtalið má sjá í spilaranum hér að ofan.
Athugasemdir
