Sveindís Jane Jónsdóttir.
„Tilfinningin er bara frábær. Við ætluðum að koma hingað og vinna," sagði Sveindís Jane Jónsdóttir, leikmaður landsliðsins, eftir 1-3 sigur gegn Serbíu í vináttuleik í kvöld. Þetta var síðasti leikur liðsins fyrir EM í Sviss.
Ísland hafði ekki unnið í tíu leikjum í röð fyrir leikinn í kvöld, en það kom kærkominn sigur í þessum leik.
Ísland hafði ekki unnið í tíu leikjum í röð fyrir leikinn í kvöld, en það kom kærkominn sigur í þessum leik.
Lestu um leikinn: Serbía 1 - 3 Ísland
„Maður tók ekkert rosalega mikið eftir því," sagði Sveindís um sigurlausu hrinuna. „Mér fannst við vera að gera góða hluti í þeim leikjum. Við lásum bara um það á netinu að við höfðum ekki unnið leik í einhvern tíma. Það er gott að enda samt á sigri fyrir EM."
Sveindís skoraði geggjað mark í leiknum sem hún viðurkennir að sé örugglega besta mark hennar með landsliðinu.
„Þetta er allavega örugglega það besta fyrir landsliðið. Mig langar samt að skora mörk sem telja aðeins meira," sagði Sveindís.
Sveindís segir liðið mjög tilbúið í EM en allt viðtalið við hana má sjá í spilaranum hér fyrir ofan.
Athugasemdir
