Sandra María ásamt Glódísi Perlu, landsliðsfyrirliða.
Sandra María með dóttur sinni.
Í leik með Þór/KA í sumar.
„Það er rosalega góð tilfinning að hópurinn sé kominn saman. Það eru stórir leikir framundan. Maður er í fótbolta fyrir þetta, að komast á stórmót. Ég er glöð og spennt," segir Sandra María Jessen við Fótbolta.net.
Sandra María er í landsliðshópnum sem tekur þátt á Evrópumótinu í næsta mánuði. Stelpurnar eru núna í Stara Pazova í Serbíu þar sem þær undirbúa sig fyrir mótið.
Sandra María er í landsliðshópnum sem tekur þátt á Evrópumótinu í næsta mánuði. Stelpurnar eru núna í Stara Pazova í Serbíu þar sem þær undirbúa sig fyrir mótið.
Á morgun spila þær æfingaleik við Serbíu en það er síðasti leikurinn hjá liðinu áður en EM byrjar. Sandra María segir að það fari vel um liðið í Serbíu.
„Þetta er rosa kósý, svona sveitó. Það er þægilegt að þetta er allt á sama stað hérna. Við löbbum á leikinn og á æfingar. Við náum að æfa vel og funda mikið. Það er það sem við þurfum til að undirbúa okkur á EM. Aðstæðurnar eru fínar og við getum einbeitt okkur að því sem skiptir okkur máli," segir Sandra María.
Það er mjög heitt í Serbíu, tæpar 40 gráður, en það hefur gengið vel hjá liðinu að aðlagast aðstæðum.
„Við töluðum um það eftir æfinguna í dag að það væri krefjandi fyrir okkur Íslendinga, sem eru ekki vanir miklum hita, að koma í aðstæður sem þessar en mér finnst við hafa náð að halda 'standard' og fókus vel á æfingum. Við höfum náð að æfa vel það sem við erum að leggja tímann í. Ég held að það hjálpi okkur fyrir Sviss að venjast hitanum hér."
„Það er fyrst og fremst gott að vera komin í hópinn með stelpunum og vera farnar að stilla saman strengi til þess að vera klárar fyrir EM," segir Sandra María.
Man heldur betur eftir því
Hún segir að felist tilhlökkun í því að það sé EM að byrja eftir nokkra daga. Sandra María er á leiðinni á sitt annað stórmót en það fyrra var í Hollandi árið 2017. Síðan þá hefur mikið gerst.
„Ég man heldur betur eftir því," sagði Sandra María um mótið 2017. „Það var skemmtileg upplifun og líka rosalega margt sem maður getur nýtt sér úr því móti. Það er reynsla sem maður þarf að smita frá sér til þeirra leikmanna sem hafa ekki farið á stórmót. Að fá að upplifa þetta tvisvar eru rosalega mikil forréttindi."
„Það er rosalega margt búið að gerast (frá 2017). Miklar breytingar á leikmannahópnum ef maður horfir í hann og leikstíli liðsins. Það er spennandi."
Hjá Söndru Maríu er líka margt búið að gerast frá 2017; hún hefur komið til baka eftir erfið meiðsli og barnsburð en hún eignaðist dóttur 2017. Hún var markadrottning Bestu deildarinnar í fyrra.
„Alls konar búið að gerast," sagði Sandra María og brosti. „Ég er búin að eignast barn, spila erlendis, spila heima aftur og ganga í gegnum meiðsli. Ég er búin að gera ýmislegt til að komast á þennan stað sem gerir mig enn þakklátari fyrir þetta. Ég er glöð að hafa náð þessu. Það er alls ekki sjálfsagt að vera í landsliðinu."
Allt viðtalið má sjá í spilaranum hér fyrir ofan.
Leikir Íslands á EM:
2. júlí, Ísland - Finnland
6. júlí, Ísland - Sviss
10. júlí, Ísland - Noregur
Athugasemdir
