Diljá Ýr Zomers.
Diljá er hluti af EM-hópi Íslands.
„Þetta er óvænt en fylgir hitanum víst," sagði Diljá Ýr Zomers, landsliðskona, er hún ræddi við Fótbolta.net í dag. Það var allt í einu byrjað að rigna í Sviss í dag eftir hitabylgju síðustu daga.
Stelpurnar hafa verið í Sviss síðustu daga en það eru aðeins tveir daga í fyrsta leik á Evrópumótinu. Það hefur farið afar vel um þær í Sviss.
Stelpurnar hafa verið í Sviss síðustu daga en það eru aðeins tveir daga í fyrsta leik á Evrópumótinu. Það hefur farið afar vel um þær í Sviss.
„Það er allt til alls hér og hugsað vel um okkur. Það er búið að vera heitt þar sem það er ekki loftræsting, en við erum búnar að reyna að redda því eins og við getum."
Hvernig var að koma til Sviss og komast nær stórmótinu?
„Ég sagði einmitt við Hafrúnu þegar við stigum upp í vél að núna væri þetta að gerast. Maður finnur alveg að maður er mættur til Sviss á stórmót. Ég held að maður muni upplifa það enn frekar þegar maður labbar í leikinn á miðvikudaginn," segir Diljá.
Stelpurnar hentu sér í vatnið við komuna til Gunten í Sviss.
„Ég held að við vorum búnar að vera hérna í tvo eða þrjá tíma þegar við ákváðum að hoppa í sjóinn. Þetta er bara geggjað og við gætum ekki beðið um betra umhverfi en þetta."
Fyrsti leikur gegn Finnlandi
Það er fyrsti leikur gegn Finnlandi eftir nokkra. Það verður spennandi að sjá hvernig það fer.
„Við erum að setja fullan fókus á það. Maður er að hugsa um sig til að vera klár fyrir Finnaleikinn. Ég held að við séum allar klárar í það," sagði Diljá.
„Við vitum hvað við þurfum að gera og hvað við þurfum að passa. Við munum fara enn frekar í það í kvöld og aðeins fyrir leik."
Leikir Íslands á EM 2025:
2. júlí, Ísland - Finnland
6. júlí, Ísland - Sviss
10. júlí, Ísland - Noregur
Athugasemdir
