Karólína Lea Vilhjálmsdóttir, landsliðskona.
„Þetta var ótrúlega gaman. Við byrjuðum leikinn hrikalega vel og seinni hálfleikurinn var aðeins verri, en heilt yfir mjög góður sigur," sagði landsliðskonan Karólína Lea Vilhjálmsdóttir eftir 1-3 sigur gegn Serbíu í kvöld.
Þetta var síðasti leikurinn fyrir Evrópumótið og gott að taka sigur með inn í mótið.
Þetta var síðasti leikurinn fyrir Evrópumótið og gott að taka sigur með inn í mótið.
Lestu um leikinn: Serbía 1 - 3 Ísland
Karólína skoraði annað markið í leiknum eftir góða sendingu frá Sveindísi Jane Jónsdóttur.
„Ég sagði við hana að það hefði verið hrikalega góð vigt í þessari sendingu. Ég gat tekið hann í fyrsta sem var geggjað. Það er oft sem að leikmenn lesa ekki alveg í þessa vigt. Hann söng í netinu," sagði Karólína um markið og undirbúninginn frá Sveindísi.
Svo skoraði Sveindís stórkostlegt mark.
„Ég hafði á tilfinningunni að hún myndi skora. Hún var svo reið inn á vellinum. Hún náði aðeins að losa um reiðina og skoraði geggjað mark," sagði Karólína létt.
Næst á dagskrá er ferðalag til Sviss á morgun og svo hefst EM. „Ég er mjög spennt. Það er mjög góð stemning í hópnum og mikill spenningur. Vonandi verður þetta bara geðveikt."
Athugasemdir
