Glódís Perla Viggósdóttir.
Landsliðsfyrirliðinn Glódís Perla Viggósdóttir fékk sigur í afmælisgjöf í kvöld er Ísland vann 3-1 sigur á Serbíu í vináttuleik. Glódís fagnaði stórafmæli sínu í dag, er þrítug.
„Fyrst og fremst fannst mér við bara byrja leikinn gríðarlega sterkt," sagði Glódís eftir sigurinn.
„Fyrst og fremst fannst mér við bara byrja leikinn gríðarlega sterkt," sagði Glódís eftir sigurinn.
Lestu um leikinn: Serbía 1 - 3 Ísland
„Mér fannst við agressívar, hugrakkar og fórum ofarlega í pressunni. Það fer okkur ofboðslega vel. Við vildum fá góða tilfinningu inn í EM og það var það sem við fengum."
Á meðan viðtalinu stóð þá var partý inn í klefa og var Glódís spurð út í það. Fréttamaður Fótbolta.net var þá búinn að gleyma í sólinni að hún ætti afmæli.
„Það er afmælispartý," sagði Glódís. „Þetta var akkúrat það sem ég vildi fá í afmælisgjöf."
Eruð þið búnar að gera eitthvað sérstakt í dag?
„Þær voru búnar að skreyta morgunverðarsalinn í morgun, gáfu mér pakka og sungu fyrir mig. Þær eru bara geggjaðar. Ég myndi ekki vilja eyða afmælisdeginum neins staðar annars staðar en með þeim. Það eina sem mig langaði í var sigur."
Er ekki pínu sérstakt samt að verða þrítug í landsliðsverkefni?
„Jú smá. En ég er samt bara 25 ára svo það er allt í lagi," sagði Glódís og hló.
Allt viðtalið má sjá í spilaranum hér að ofan.
Athugasemdir
