Alexandra Jóhannsdóttir.
Alexandra á æfingu Íslands í dag.
„Ferðalagið í gær gekk bara vel og það er gott að vera loksins komin," sagði landsliðskonan Alexandra Jóhannsdóttir, í samtali við Fótbolta.net í dag. Stelpurnar tóku í dag sína fyrstu æfingu í Sviss eftir að þær flugu þangað frá Serbíu í gær.
Núna tekur við undirbúningur fyrir fyrsta leik á EM sem er gegn Finnlandi. Í Sviss gista stelpurnar á frábæru hóteli.
Núna tekur við undirbúningur fyrir fyrsta leik á EM sem er gegn Finnlandi. Í Sviss gista stelpurnar á frábæru hóteli.
„Mjög flott hótelið, það er allt til fyrirmyndar. Þetta er eiginlega bara flottara í persónu en það sem maður sá á myndum. Þetta er sturlað flott."
Stelpurnar lentu seint í gær en þær stungu sér meðal annars til sunds á hótelinum.
„Við fórum í vatnið og aðeins að kæla okkur þar. Við borðuðum geggjaðan mat sem Ylfa var búin að græja þegar við lentum. Svo vorum við bara að tjilla."
En hvernig er æfingavöllurinn?
„Þetta er geggjaður völlur og það er allt í toppstandi hérna," sagði Alexandra en liðið fékk frábærar móttökur þegar þær mættu á æfingasvæðið í fyrsta sinn.
„Ég var ekki alveg að búast við þessu. Mjög skemmtilegt. Það voru allir að klappa fyrir okkur þegar við mættum út úr rútunni sem var mjög gaman. Þetta var óvænt en sýnir greinilega að það er mikil stemning fyrir þessu öllu."
Hægt er að sjá allt viðtalið í spilaranum hér að ofan þar sem Alexandra ræðir meðal annars um síðasta leik gegn Serbíu og framhaldið.
Leikir Íslands á EM:
2. júlí, Ísland - Finnland
6. júlí, Ísland - Sviss
10. júlí, Ísland - Noregur
Athugasemdir
